Hunas
Kapitulo 1
Tumakris
ya si Hunas kunan Katawan
1 Say saritá nan Katawan rinmaté ya kuna ni
Hunas anak nin lalaki na ni Amitay: 2 “Mako ka sa
alakin babali nan Ninibe tan mangibanyagá ka subag
sa kuna, baná ta say pakadukaan na napadar sa adapan
ko,”
3 Balé si Hunas linmayas ya kunan
Katawan tan adap nan mako sa Tarsis. Kinmayupá ya
sa Hupi, ket itaw main nákit nan pakasakyan adap
nin mako kunan siin nin duungan. Nayadí yan nag´bayad
kunan sakyan na, nulí yaynan sa pakasakyan na tan
linmayag sara nin mako sa Tarsis pinggat makatakris ya kunan
Katawan.
4 Karaam si Katawan namáwit ya alakin
siri sa taaw, kanyá main nag´in maksaw nin
bagyo a naiká kunan pakasakyan sa pangnuwan nin mabarí-barí.
5 Sarban mananaki malímo sara tan nangurangab sara
kunran dyos ran diri. Tan nibantak ray awit ra pinggat yum´an
yay pakasakyan.
Balé si Hunas nako ya yupá
nan pakasakyan, itaw yan midá tan nakakálek
yan tuloy. 6 Si pangulo nan pakasakyan nako ya sa kuna tan
wana, “Páno kan málek? Mibangon kayna
tan kayaban may dyos mo! Banglí mákit na lí
a mangyadí kuntamo pinggat kai tamo mati.”
7 Kaaram saray mananaki wanra sa kunran barang
saya tan saya. “Parina ta mamunot tamo pinggat makatandá
tamo no sínoy main kapangubatan kunan sitin maalakin
idap.” Namunot sara tan nabúnot ya si Hunas.
8 Kanyá tinepet raya, “Ibaritá mo kumi,
sínoy main kapangubatan a nangwá sarban gunigon
kuntamo? Ani sabtan nin gawá mo? Adti ka pangibwatan?
Ani yay pakababalyan mo? Síno saray kababalyan mo?”
9 Inumbat na, “Hibriyo ako tan sumamba
ako kunan Katawan, si Dyos sa langit, síyay namarsa
kunan taaw tan say makrang lutá.”
10 Nalímuwan sara kunan siti tan tinepet
ra, “Ani anamaet nin ginwá mi? (Tandá
ra nin manlumayas ya kunan Katawan, baná ta nibaritá
nayna sa kunra.)
11 Lumumuod-luod yaynay taaw. Kanyá
tinepet raya, “Ani kadí gaw´en mi sa
kumo nin ipamatinek a taaw sa kumi?”
12 “Itandudó rako tan ibuntok
rakuyna sa taaw,” inumbat na, “tan tuminek ana
lí. Tandá ko a kasalanan kuytin maksaw bagyo
nin mampangyadí kumuyo.”
13 No kai edet, nipamuspusan saray tawon
lullaki a mamugsay nin sumublí sa rigrig baybay.
Balé kai ra gapo nagwá, baná ta inmalaki
yay taaw nin makakasaw et bilang gindat. 14 Karaam nangurangab
sara kunan Katawan, “Katawan, sawá pa kumon
a andí mo aburuyen nin mati kami baná sa pangalapan
nin byay kunan sitin tawo. Andí mo kami nin makaubat
kunan pangmati nin tawo a kasan kasalanan, baná ta
ginwá muyna, Katawan, a rabay mo.” 15 Mísa
kinalap raya si Hunas tan nibuntok raya sa taaw, tan tinminek
yay maksaw bagyo sa taaw. 16 Kunan siti saray tawon lullaki
linmímo saran talaga kunan Katawan, tan nangidáton
saran atang kunan Katawan tan sinambawan raya.
Dasal na ni Hunas
17 Sawanin si Katawan nipami yan alalaki nin kuná
a mangamil kuna ni Hunas, tan si Hunas itaw ya pa sa tyan
nan kuná sa tulon awro tan tulon yabi.
Ipatuloy et...
