Báyon naikalamó
nin Tugtog
Nangibwuwat sa kansyon nin
Sukiyaki.
Kinansyon na ni Kyu Sakamoto.
Sinurat ra ni Rokusuke Ei tan Hachidai Nakamura.
Tumatang´ap
Ako Nin Lumalako
Pinataros Sa Binubolinao Na Si Oswí
Castellano
Tumatang´ap ako nin lumalako
Tano kai ya nin manabó a luwá ko
Napanemtem koy mariga nin panaon pamumurak
Balé sa yabi, mabukod ko.
Tumatang´ap ako nin lumalako
Maluwá nin mata, bumilang saray bubituen
Napanemtem koy mariga a panaon mámot
Balé sa yabi, mabukod ko
Say parigsawan itaw sa tágay nan rerem
Say parigsawan itaw sa tágay nan langit
Tumatang´ap ako nin lumalako
Tano kai ya nin manabó a luwá ko
Lalon napnó bereng a pusó ko
Kanyá sa yabi, mabukod ko
(Mamasuwit)
(Mamasuwit)
Mampanemtem koy mariga a panaon pangyayatab.
Balé sa yabi, mabukod ako
Say bereng umadi sa dedlem nin bubituen
Say bereng kai mákit sa dedlem nin bulan
Tumatang´ap ako nin lumalako
Tano kai ya nin manabó a luwá ko
Lalon napnó bereng a pusó ko
Kanyá sa yabi, mabukod ko
Nabyan na ni Willy De Perio.
Naaburuyan yay pangagamiren.
Main
Sayay Manok
Tutog nin Akulaw
Ni Aurora M. De Perio
Main sayay manok
Sa abay nan sapa
Kaabay nay ranom
Syay mampilatá
Abagay kaynan manok
Kakapuyan karma
Aduen kata komon
Kasay nan magawá
Nabyan na ni Willy De Perio.
Naaburuyan yay pangagamiren.
Siti Pay
Eskwilawan
Ni Constancia "Madam
Tanting" De Perio-Roca
Siti pay eskwilawan
Pag´adalan kábawan
Síya may pubri o mayaman
Kasa gapon pinilian
Sumurat tan mamasa
Dumukdok tan manganta
Syay ugalí karigsawan [ambó siguro konan sitin
linya]
Kai gapon kalingwanan [ambó siguro konan sitin linya]
No main makitandá kunran saraytin linya,
sumurat kamo sa Binubolinao.com.
Nabyan na ni Willy De Perio, 2005
Naaburuyan yay pangagamiren.
Sin bulan
nan Oktubri
(Kansyon yaytin maimon a babayi
a manibaritá nan sarkastiko
sa kansyon konan asawa na nin tandá nay ginwá
ra nin mistrisa na.)
Sin bulan nan Oktubri
Nako kami nagbiyahi
VillaRey niruranan mi
Mamuntan Ibali
Dimalan kamin Dagupan
Báyo kami namanrupan
Mako tayna inadó
Maka tayna inadó
Sa bali tan diri.
Sin bulan
nan Desyimbri
Tinurba tan sinurat na ni
Milton "Mike" Camaso Cuarteron of Anda, Pangasinan
Sin bulan nan Desyimbri
Mabilang a walo ra
Siti pay naod anay
Gulo sa Pilipinas
Sundaló nan Amerika
Napadaan sara
Sundaló nan Pilipinas
Nakiadap nakigyira
Primiro binumba ra
Babalin Urbiztondo
Sumigundan binumba ra
Babalin Santa Barbara
Kai nabumba eskwilawan
Kai nabumbay simbaan
Kai nabumbay Dagupan
Balé ta napuoran
