Alakin Bulangan sa Araneta

Nangibwat sa Manila Bulliten
Marso 22, 2010

Saray alalakin ngaran nan Dupong a Pangalilaan nin Bulang sa Luson (Luzon Gamecock Breeders Association-LGBA) lumalaban sara lí sa liman pangibulangan a wanran 5-cock derby maipákit nin abaw et a sanyasot nin lalaban sa Martis itaw sa Pamamulangan sa Araneta.

Saray mailalwan nin mangibubulang sara si Sonny Lagon, si Boy Marzo, si Mayor Cito Alberto, si Boy Tanyag, si Jun Sevilla, si LGBA presidinti Rene "Boy" Diaz, sara si Dr. James tan si Ed Bagay, si Baby Canillas, si Bobby del Rosario, si Joel Fernando, si Gil Nicolas, si Mike Romulo, si Louie Zerrudo, tan si Arnel Espiritu sa kunran abaw et.

Say únay liman pangibulangan nan LGBA sa 2010 nangyadí sin sayan Wibis main nagsangkaungan nin bukod kuna ni Aaron Cacho taga Pangasinan (AC Bolinao) ket mamilima yan kustun-kusto a pangnaluwan na.

Sara si Biboy Enriquez, si Cano Raya, si Osang dela Cruz, si Aylwyn Sy, si Jeff Sy tan si JPA Florida BTN linmiwá sara nin nangingikarwa a 4-1 (nanalo-natalo) pangibulangan ra.
Sa kapresan, say LGBA piton pangibulangan a wanran 7-bullstag derby mangyadí lí sa Abril 15, 22 tan 29. Saray mangangayunan kunan sitin pangibulangan sara sa Robichem Supremo, sara sa Lakpue Drug Inc., tan sara sa Thunderbird.

Nipataros sa Binubolinao ni Oswí Castellano

Sumublí sa babo