Say
Pilipinas sumurnang sara kuna ni Baldwin sa sutil
a saliwen nay ipakasal na
Nangibwat sa Rueters
5/20/09
Say Pilipinas sinmurnang sara kunan sutil na
ni Baldwin a maipáka sa wanan manaliw-sa-surat a Pilipina nin
ipakasal na, ket wanan ministiryo nin san´ili sa Manila sa Myirkulis
a mampasabtan udino man´ibaritá a ginwá na nin kasan
kaingaran na.
Wanan Pilipinas a pangunguritan ran bubbayi
a mikaasawa kunran US nasyunal a manaliw-sa-surat nin pakasalan
ra ket “makapáselan tan nakapipuruk-purok,” Cecilia
Rebong, síyay kunsul-hiniral nan Manila sa New York,
wana sa surat a nipáwit na kunan aktor sa Martis.
Wana ni Rebong nin say Pilipinas a saya nin
man´umúnan bubayan sa sansinakban nin manggalaten a panglakuan
nin bubbayi tan ának tan say wana ni Baldwin sa pakikiirgo undino
interbyo na sa tilibisyon ket mangibi a pangisipan tan kaingaran nin
saray Pilipina a makaipurukan saran ipalalakó.
“Síkay aktor tan síkay mangangális,
makapatarusan nin kai mo layi tandá no ani matukid udino rumaté
kunran saraytin mampangyadí,” wana ni Rebond sa surat na
kuni Baldwin.
“Balé anamaet, síkay mabantog
nin tawo, mapatkapan kumo a nin makapauyamó ka sa pag´irgo
nin mamipuruk-purok, laluyna sa nagsikarang a kaugalian tan katawuan
a napnuan nin maris undino kulor, mayaman sa pakábawan tan sa
pagsikabarangan iti sa Amirika.”
Saray dudupong nin bubbayi sa Pilipinas sinmager
sara báyo yay pakikiirgo na ni Baldwin sa “The Late
Show with David Letterman—Say Nayabyan Pabuyawan kalamó
ni David Letterman” sin nalinggo ket naiká undino naipusti
ya sa mamparanod udino mampakiramá nin bidyo sa YouTube.
Saray bubbayi a mamangwá nin gan-gan
sa ruwa nin pidudupungan nan Congress sinmurnang sara anamaet
kunan pag´irguwan na ni Baldwin tan nangipasuet ra kuna nin makipauman
udino makidispinsa ya kunran ngámin nin tutawo sa kabanayan.
“Ipaliwanag tamuyti sa sansinakban, saray
Pilipina kai sara mapailakó,” wana ni Sinador Loren Legarda.
“Kai et mapailakó kunran uaktor sa Hollywood.”
Nipataros
sa Binubolinao ni Oswí Castellano
Sumublí
sa babo
|
