Pakasuratan
nin Binubolinao |
|
Maipaliwanag: Máran Nin Testiminto Mumangukuman Rut Núnan Samwil Ikarwan Samwil Núnan Uadí Ikarwan Uadí Núnan Pakasuratan Ikarwan Pakasuratan Esra Nihimaya Ester Dyob Eklisiyastis Tugtugan ni Solomon Isayas Hirimaya Pag´ebet-ebetan Esikil Daniyel Osiya Dyuwel Obadiyas Dyuna Mika Nahum Habakkuk Sepanaya Haggay Sekaraya Malakay ] ] ]
|
Pangrayuwan 1Pakasuratan nin Saya 1 Makarmá yay tawo nin kai ya lumalako tan umikap sa kalalamó ran saray maraet, udino umdeng ya sa dalan ran magkasalanan, udino tumekré ya sa pakatekrean ran bumabalaw. 2 Balé say kaririktan na tan say karabayan na ket say gan-gan nan Katawan, tan kunan gan-gan dumasal-dasal yan anamanan-anamanaet sa awro tan yabi. 3 Tan wanin ya lí a barámo nin kayo a naimula itaw sa adani nan uagos nin ranum, bumubunga ya ana kunan panaon na; say bulong na kai ya gapo nin makrí tan malanes tan say ngámin in gaw´en na umaligwas ya lí. 4 Ambó ya wanin a maraet nin tawo. Barámo yan tatap udino kapit a ipakapaysepen nan siri. 5 Kanyá síya a maraet nin tawo kai sara lí makaumdeng sa pangukom, udino saray magkasalanan kai sara makadungo tan makapikalamó kunran mapteg nin tawo. 6 Baná ta tandá na sara ni Katawan a gaw´en ran
mapteg nin tawo, balé gaw´en ran maraet in tawo ket pakasiá
sara lí. |
