Bibliya
Si nangipataoy sa Binubolinao: Oswí Castellano

Maipaliwanag:
Saraytin naipataoy ket abaw et nin ayus-ayusen. Sarayti a núnan patauyan

Máran Nin Testiminto

Pakataránan

Pakalakwanan

Lebitikos

Pakabilangan

Ikaruwa

Huswí

Mumangukuman

Rut

Núnan Samwil

Ikarwan Samwil

Núnan Uadí

Ikarwan Uadí

Núnan Pakasuratan

Ikarwan Pakasuratan

Esra

Nihimaya

Ester

Dyob

Pangrayuwan

Alimbawaan

Eklisiyastis

Tugtugan ni Solomon

Isayas

Hirimaya

Pag´ebet-ebetan

Esikil

Daniyel

Osiya

Dyuwel

Amos

Obadiyas

Dyuna

Mika

Nahum

Habakkuk

Sepanaya

Haggay

Sekaraya

Malakay

] ] ]

Báyon Testiminto

 

Amos 1

1 Say susaritá na ni Amos, síya pa a saya nin mangalilá nin karniro itaw sa Tekuwa ket main nákit na a maipáká kunan Israyil sin sa panaon na ni Usya, síyay adí nan Huda tan sin sa panaon na ni Hirubuwam, síyay anak nan lalaki ni Huwas tan síya et a adí nan Israyil, tan sin ruwa nin tutaon báyo ya nagrayon a lutá.

2 Tan wana, si Katawan bumuryaw ya itaw sa Siyon tan bumalikas ya itaw sa Hirusalim, mísa say kamimínan ra nin mangalilá nin uayep bumereng sara tan say babo nan talugtog nin Karmil makrí ya pa itaw.

3 Siti pay wana ni Katawan, sa ikatlo nin pagkasalanan nan Dumaskus tan sa ikápat et, kai kuya baliktaden a pakadusawan ko udino kai kuya isilyan a saritá nin wangko kunan siin baná kunan pangaspukan nin pasak ket inaspu-aspukan ra sara itaw sa Galaad.

4 Kanyá ipáwit ko lí a puor itaw sa bali nan Hasael tan sidaen ko lí a palasyo tan kamimínan ra itaw sa Ben-adad.

5 Wataken ko lí anamaet a padir ra itaw sa Damasko tan ipakaputol ko lí saray tutawo itaw sa alog nin Abin udino On tan síya nin gumáget nan pag´urayan itaw sa Bit-idin, tan saray tutawo itaw sa Sirya ipalayas ko sara lí itaw sa Kir, a wanan Katawan.

6 Siti pay wana ni Katawan, sa ikatlo nin pagkasalanan nan Gasa tan sa ikápat et, kai kuya baliktaden a pakadusawan ko udino kai kuya isilyan a saritá nin wangko kunan siin baná ta inaripenen ra sara ngámin nin tutawo isen sa bubbali tan nipáwit na sara itaw sa Idom tan itaw sara nin naipagamet sa Idom.

7 Kanyá ipáwit ko lí a puor sa padil ra itaw sa Gasa ta no sidaen ko lí a kamimínan ran máget.

8 Tan ipakaputol ko lí saray tutatawo a taga-Asdod tan síya nin gumáget nan pag´urayan itaw sa Askilon, tan itikó kuyay gamet ko nin manguntra kunra itaw sa Ekron tan saray natrá itaw sa Pilistiyo pakasidaen ko sara, wanan Katawan nin Diyos.

9 Siti pay wana ni Katawan, baná sa ikatlo nin pagkasalanan nan Tiro tan sa ikápat et, kai kuya baliktaden a pakadusawan ko udino kai kuya isilyan a saritá nin wangko kunan siin baná sa naipagamet ra sara ngámin nin tutawo isen sa bubbali kunra sa Idom tan nalingwanan rayay pangáko nin pakabubsatan.

10 Kanyá ipáwit ko lí a puor sa padil na itaw sa Tiro ta no sidaen ko lí a kamimínan ran máget.

11 Siti pay wana ni Katawan, baná sa ikatlo nin pagkasalanan nan Idom tan sa ikápat et, kai kuya baliktaden a pakadusawan ko udino kai kuya isilyan a saritá nin wangko kunan siin baná ta kinamat naya kunan beneng si busat nan Jakob, pinadukaan nayay pangawaan na tan pinurya-puryan na ngámin a pakakádwan na, tan tinmuluy-tuloy a sager nan mamisang tan inasikaswan nan maong a pakasagran na anggan-angga.

12 Kanyá ipáwit ko lí a puor itaw sa Teman ta no sidaen ko lí a kamimínan ran máget itaw sa Busra.

13 Siti pay wana ni Katawan, baná sa ikatlo nin pagkasalanan ran ának itaw sa Amon tan sa ikápat et, kai kuya baliktaden a pakadusawan ko udino kai kuya isilyan a saritá nin wangko kunan siin baná ta rinakyatan ra saray mabuktot nin bubbayi itaw Galaad, tano mapailawang yay kamimínan ra.

14 Kanyá ipapuuran ko lí a padil ra itaw sa Raba tan sidaen ko lí a kamimínan ran máget, kalamúnan et nin mantumáway sa awro nin laban, tan kalamúnan et nin awro a mabayani nin bumabagyo.

15 Tan si Adí ra ipalayasan kuya, síya tan saray prinsipyo na, a wanan katawan.