Tungtong nin Binubolinao |
|
Bibliya Maipaliwanag: Máran Nin Testiminto Mumangukuman Rut Núnan Samwil Ikarwan Samwil Núnan Uadí Ikarwan Uadí Núnan Pakasuratan Ikarwan Pakasuratan Esra Nihimaya Ester Dyob Eklisiyastis Tugtugan ni Solomon Isayas Hirimaya Pag´ebet-ebetan Esikil Daniyel Osiya Dyuwel Obadiyas Dyuna Mika Nahum Habakkuk Sepanaya Haggay Sekaraya Malakay ] ] ]
|
Pakalakwanan 1Saray Taga-Israyil Napaidapen Sara 1 Sarayti a ngungaran ran lullakin ának nan taga-Israyil a nako sa Egipto a kalamó na ni Hakob, tan saray pamiliya raet: 2 Ruben, Simiyon, Libay tan Huda; 3 Isakar, Sibulon tan Benhamin; 4 Dan tan Niptali; Gad tan Aser. 5 Saray pakakanayon na nin Hakob, nabilang sara a piton-puló ngámin; si Hosep itaw yayna sa Egipto. 6 Sawanin si Hosep tan saray bubsat na tan saray kapanaunan na ket nati sarayna ngámin, 7 balé saray taga-Israyil mabubunga sara tan inmabaw-abaw sara kaniyá napnu-napnó sara sa kamínan ra. 8 Mísa main ana a báyo nin nakapag´adí sa Egipto nin kaina tandá si Hosep. 9 “Kikiten muyuyti,” wanan Adí kunran taga-Egipto, Sarayti nin taga-Israyil ay makakábawan saraynan tuloy. Ani edet a matkap tamon gaw´en sa kunra ta umabaw saraynan umabaw. No main lí nin gira, mako sara lí kunran kalaban tamo tan lumaban sara lí kuntamo tan lumakwan saraet lí. 11 Kanyá naiká saray pakaamon alipin a paidapan sara nin naipuwirsa a gaw´enan, tan namamádeng ra saray Pitom tan Ramsis nin kamínan a susiyudad para kuna ni Paron Adí. 12 Balé say paidap-idapan ran pirmi ket naipamabaw sara tan tinmayak sara et; kunan siti ket ginmurá saran taga-Egipto konran taga-Israyil 13 tan pinagumaw´en nasaran sabtan bayani. 14 Pinagumuwá rayay biyay ran mapait, pinaidap sara sa gaw´enan ra sa ribak tan seminto tan sa nagsikabarang nin gaw´enan itaw sa tatalon; sa ngámin nin pinagaw´enan ra, saray taga-Egipto ket sabtan bayani ra. 15 Si Adí nin Egipto wana kunran tumu-tulong sa mangabing, si Sipra tan Pua, “No tumolong kamo sa mangabing kunran babayin Hebriyo tan bumantayen muyoy kaman mangabing, tano lalaki yay anak patyen muya; bale no babayi yay anak puryan muya.” 17 Balé saray tumu-tulong sa mangabing ket tumemper sara kunan Diyos, kai ra rabay nin gaw´en sitaw a nibaritá nan Adí nin Egipto; pinuriyan raya anaod saray lullakin ának nin mabiyay. 18 Mísa si Adí nin Egipto kinayab na saray tumu-tulong sa mangabing tan tinmepet na kunra, “Ambalé ginumuwá muyoyti? Ambalé anamaet nin pinuriyan muyoy lullakin ának nin mabiyay sara?” 19 Saray tumu-tulong sa mangabing, inubaten rayay Paron Adí, “Saray bubbayin Hebriyos ket ambó saran bilang a bubbayin Egipto; katay paksaw ra nin nangabing sarayna bayó kamin rumaté.” 20 Kunan siti, si Diyos nangangádo ya kunran tumu-tulong sa mangabing tan saray tutawo ket inmabaw-abaw sara sa bilang et. 21 Tan kanyá saray tumu-tulong sa mangabing ket tumemper sara kunan Diyos, biniyan nasara anamaet a pupamiliya para kunra. 22 Mísa si Paron Adí binibilin na kunan sara ngámin nin tutawo na: “Saray ngámin nin lullakin ának a naianak itampal muyo sara sa ilog nin Nilo, balé puryan muyoy bubbayin ának nin mabiyay sara.
|
