Tungtong nin Binubolinao |
|
Maipaliwanag: Máran Nin Testiminto Mumangukuman Rut Núnan Samwil Ikarwan Samwil Núnan Uadí Ikarwan Uadí Núnan Pakasuratan Ikarwan Pakasuratan Esra Nihimaya Ester Dyob Eklisiyastis Tugtugan ni Solomon Isayas Hirimaya Pag´ebet-ebetan Esikil Daniyel Osiya Dyuwel Obadiyas Dyuna Mika Nahum Habakkuk Sepanaya Haggay Sekaraya Malakay ] ] ]
|
Lebitikos 1Say Dáton nin Mapúran 1 Si Katawan kinayaben naya si Moyses a kinairgo naya sa Kamínan (Tulda) nin Pagpupulong. Wana, 2 “Mag´irgo ka kunran Israyil tan ibaritá mo kunra: No sínuman a mangáwit nin dátong kunan Katawan, awiten muyoy dátong nin ayep taga sa kawan ayep nin alalaki undino taga sa kawan ayep nin dadaikleng. 3 No say dáton ket saytaw a dáton nin mapúran taga sa kawan ayep nin alalaki, ipadáton nayay lalakin ayep a kasan sakit-sakitan na. Itaw ya ipákit sa paglumúban nin Kamínan nin Pagpupulong tano tangapen nalí ni Katawan. 4 Iká nayay gamet na sa ulo nan dáton nin mapúran tan matangapen yalí para sa kuna say mapatawadan nin nakasalanan na. 5 Ipapatiyen nayalí yay kaanakan nin lalakin baka sa adapan nan Katawan, mísa ralí, saray ának nin lalaki ni Aaron a pupadí, awiten rayay dayá nan ayep ta iwisik ra sa ririking nin altar, itaw sa paglumúban nin Kamínan nin Pagpupulong. 6 Galaten nalí a katat nan dáton nin mapúran tan iwá-iwaen nalí sa pisí-pisí. 7 Saray ának nin lalaki ni Aaron, saray pupadí, mangiká saralí nin apoy sa altar ta ayus-ayusen ra a kayo itaw sa apoy. 8 Mísa, saray ának a lalaki ni Aaron, saray pupadí, ayus-ayusen ralí a napisí-pisí nin katat, tan ipakalamó raet a ulo tan tabá nan ayep, sa kayon mapúran, itaw sa altar. 9 Ringasen nalí saray pait tan paa nan ayep sa ranum, tan saray pupadí a mamúran ngámin itaw sa altar. Siti a dáton nin mapúran, say nangaidáton sa apoy, sa angót nin makaparigsawan nan Katawan. 10 No say dáton nin mapúran ket sa kawan ayep nin dadaikleng, say tupa (karniro) udino say kanding a maguwa. Ipadáton yay ayep nin kasan sakit-sakitan na. 11 Ipapatiyen nayay ayep lí itaw sa bandan amyanan nan altar sa adapan nan Katawan, tan saray ának nin lalaki ni Aaron, saray pupadí, iwisik rayalí a dayá sa ririking nin altar, tan saray pupadí a ayus-ayusen ralí, ikalamó raet a ulo tan tabá nan ayep sa kayon mapúran nin itaw sa altar. 13 Ringasen nayay pait tan paa nan ayep sa ranum tan si padí lí a mangáwit ngámin ta púren na sa altar. Siti a dáton nin mapúran, say nangaidáton sa apoy, tan say angot nin makaparigsawan nan Katawan. |
