Supunyos
Kapitulo 1
1 Say saritá nan Katawan nin rinmaté
kuna ni Supunyos anak nin lalaki na ni Kusi, anak nin lalaki
na ni Gedalyas, anak nin lalaki na ni Amaryas, anak nin
lalaki na ni Hesekyas, sin saytaw sa pag´uray na ni
Husiyas anak nin lalaki na ni Amon adí nan Huda:
Pangungukom
sa Babon Lutá sa Awro nan Katawan
2 “Galaten ko pa lí ngámin nangibwat
sa rupa nan babon lutá,” nipatandá nan
Katawan. 3 “Galaten ko lí saran ruwa say tawo
tan say ayep; Galaten ko lí saray manuk-manuk sa
langit tan say kuná sa taaw— saray ribulto
nin nakápunan saray maraet nin matumba.”
“Báyo kon patyen sarban tawo
sa rupa nan babon lutá,” nipatandá nan
Katawan, 4 “Ipánat ko lí a gamit ko
subag kunra sa Huda tan subag kunran sarba sa Herusalen.
Sidaen ko lí sarban natara-tará a mangrayo
kuna ni Baal kunan sitin kamínan, sarban mag´ribu-ribulton
sunguti—5 saraytaw nin tumwek sa babon bubungan nin
mangrayo sa padimlugan nin bubituen, saraytaw nin tumwek
tan sumamba kunan Katawan tan sumamba sara anamaet kunan
Mulek, 6 saraytaw nin gumurot sa panunumbok ra kunan Katawan
tan kai et sumirsir kunan Katawan udino tumepet a maipáká
kuna.”
7 Makaklek kamo sa adapan nan Makapag´aadí
nin Katawan, baná ta adani yaynay awro nan Katawan.
Si katawan nanadyá yan pangitayaan; nakatalaga na
saray sinagyat na.
8 “Sa awron pangitayaan nan Katawan
dusawen ko lí saray pangungulo tan saray ának
ran adí tan sarban saraytaw a sumulot nin aysing
ran san´ili. 9 Kunan sitaw nin awro dusawen ko sarban
kumal´is nin mantumukdó sa luuban, saray mamnó
sa simbawan a didyusen ra nin makalamó a pakaraetan
tan bulá.
10 “Kunan siin nin awro,” nipatandá
nan Katawan, “main miurakis lí nangibwat sa
Padir nin Kuná, main man´umagrang lí
nangibwats sa Bayon Purod, tan main lí a maksaw nin
mararyak nangibwat sa tanaytay. 11 Umagrang kamo nin mampiikap
sa palingki; sarban manglalakó muyo makasa lí
a pagkamain ra tan sarban manili nin pirak mapatyan sara
lí. 12 Kunan siin nin udas, dumugen ko lí
a Herusalen kunran pangapuyan tan dusawen ko saray napapapdaan,
sísaray bilang nin arak a natrá sa deyek na,
sísaray umisip, ‘Kasan gaw´en nan Katawan,
mataman sa maabig udino sa duká.’ 13 Manulisan
lí a kayamanan ra, yubaen lí saray bali ra.
Taman mamádeng saran bali ra, kai sara miikap kunra;
taman mangmula saran ubasan, kai ra lí inumen a arak.”
14 Say alakin awro nan Katawan adani yayna—adani
tan madalí yaynan rumaté. Say angak sa awro
nan Katawan mapait ya; si Makapangyadian nin Makilaban itáway
nay buryaw nin laban. 15 Siin nin awro mag´in yan
awro nin katay sager—awro nin salak tan rangep, say
awro nin gulo tan sidá, say awro nin dedlem tan kaberegan,
say awro nin gugunem tan kangisitan—16 say awro nin
turutot tan buryaw nin laban subag kunan napadil nin bubabali
tan subag kunran duyon lulatudi.
17 “Mangíras ako lí nin
salak sa sarban tutawo ket kumarakarapá sara lí
bilang kunran saray bulag, baná ta nagkasalanan sara
subag kunan Katawan. Say dáya ra ket naibúbó
yayna bilang nin tápok tan say pait ra bilang taklí
ayep. 18 Mataman sa pirak ra udino sa balitok ra kai gapo
makaligyas kunra sa awron katay sager nan Katawan.”
Sa apoy nan imon na say sarban babon
lutá mápos lí, baná mangwá
ya lí a bigrá nin panggangawan kunran sarban
mampiikap sa babon lutá.
Ipatuloy et...
