Mikyas
Kapitulo 1
1 Say saritá nan Katawan a rinmaté
kuna ni Mikyas sa pag´uuray ra ni Hutam, si Akas tan
si Esekyas—say sirmata nin nákit na a maipáká
ran Samarya tan Herusalen.
2 Marngé kamo, síkamon tutawo,
sarba muyo, ingaren muyo, sa babon lutá tan sarban
mampiikap kuna, nin si Makapangyayadí nin Katawan
mami yan paneknekan kumon subag sa kumuyo, si Katawan nangibwat
sa simbawan nan madyusan.
Pangungukom
subag kunra sa Samarya tan Herusalen
3 Kikiten muyo! Si Katawan manrumaté yayna nangibwat
sa kamínan nin mampiikapan na; kumayupá yayna
tan dumádá ya sa katatágayan nan babon
lutá. 4 Saray talugtog matunaw sara sa sirong na
tan saray singat isyay na sara, bilang nin lilin sa adapan
nan apoy, bilang nin ranom a man´umagos sa yupá
nan tangkar. 5 Saray ngámin ti baná sa panubagan
nan gan-gan ni Hakob, baná sa kasalanan ran tutawo
sa Israil. Ani yayti nin pakasubagan na ni Hakob? Kai para
itaw sa Samarya? Ani yay kamínan nin katatágayan
na ni Huda? Kai para itaw sa Herusalen?
6 “Kanyá mangwá ako lí
nin itambak a namekmek nin bubato sa Samarya, say kamínan
a mangmula nin kaubasan. Ibúbó ko lí
a bubato na sa singat tan iluklok ko saray pangipatukduan
nin nayasyas. 7 Sarban uanito na masupak-supak lí
ngámin; sarban pamyan na sa simbawan mapuuran sara
lí kunan apoy; sindaen ko lí sarban aninagan
na. Bangta dininep na saray pamyan na nangibwat sa upá
ran balangkantis, leg´an sa upá ran balangkantis
maagamir sara lí anamana.”
Mansumangit
tan Manbumaliwan
8 Baná kunan siti sumangit tan umagrang ako lí;
lumalaku-lako ako lí nin dapak-dapak tan lusók-labos.
Tumaol ako lí bilang nin aso talon tan umasog ako
bilang nin dugpaw. Baná ta say sarot nan Samarya
kai ya matambar; nangumalit ana itaw sa Huda. Niabot yayna
anggan sa luuban nan padir sa kunran tawo ko, taman sa Herusalen
a kunan bukod. 10 Andí mo ibaritá sa Gat;
andí kamo gapo sumangit. Sa Bet Upra tumulin-tulin
kamo sa tápok. 11 Lumabas kamo nin lus´ok-labos
tan sa pakading´eyan, síkamo a mampiikap sa
Sapir. Síkamo nin mampiikap sa Saanan kai kamo lí
lumwá. Manbumaliwan sara sa Bet Esel; kai rakayna
makaiyagel. 12 Síkamo nin mampiikap sa Marot pumeyed-peyed
kamo sa sakit, mantumágan kunan mamakpá, baná
ta rumaté anay duká mangyadí a nangibwat
sa Katawan, taman sa luuban nan padir sa Herusalen. 13 Síkamo
nin mampiikap sa Lakis, ipasulot muyuyna a kagawaan nin
ruranan kunran paspas nin kabayo ta ipagalet muyuyna kunran
ruranan muyo. Síkamo pa a isen sa kamínan
nin tinmaraná a kasalanan nan Anak nin Bababi, si
Siyon, baná ta say pakasubagan nan Israil nákit
sa kumuyo. 14 Kanyá mami kamo lí a patnugot
nin pamyan kunra sa Muriset Gat. Say babali nin Aksib maipákit
lí nin ambó sara matunong kunran uadí
nan Israil. 15 Mangíras ako lí nin mamasukó
subag kumuyo nin mampiikap sa Marisa. Saray pangungulo nan
Israil tumakris sara lí sa Adulam. 16 Kiskisen muyoy
ulo nin manbumilawan kunran ának nin mamin ririket
kumuyo; mikalbo kamon bukod bilang nin bwitri, baná
ta nangibwat sa kumuyo mako sara lí sa pakalayasan
ra.
Ipatuloy et...
