Talimbukaya

Ipababo muyay ibot sa ubatan pigaw maubatan yay talimbukaya.

Anta uring, katin-katin. ubatan

Anta uring, kiti-kiting. ubatan

Anta rumok, tawoy masulpot. ubatan

Daité yaet si kumpari, makaulí yayna sa latudi. ubatan

Bali ni San Roque nalibed yan sabli. ubatan

Suoy na, suoy na kasan mata na ubatan

Múna kayna bayaw ta tumumbok akuynan tumáway. ubatan

Bali ni Kuring-kuring, nangabubutbot a ringring. ubatan

Bubon ni Kastor, nalibed yan payakor ubatan

Busar-busar a ranom tináboy ni Pukol. ubatan

No awro iyo, no yabi pagi. ubatan

Birngen ko ubot, birngen ko ubot. ubatan

Baston ni kapitan kai magágetan. ubatan

No umdeng ya ayupá ya, no tumekré ya atágay ya. ubatan

Sakarakay a pari, napnó yay bali. ubatan

Ribu-riboy atep na, sayan-sayay túdek na. ubatan

Birawen kuyay dalayday, piurakis ran ulay. ubatan

Isungroy yay ranom, isyang yay apoy. ubatan

Tuloy butunis, ápat a uhalis. ubatan

Bato sa Maning-maning, pamurutan singsing. ubatan

Nibakí kuyay asoo kon maputí, kai yayna sinmublí. ubatan

Nanápang ya si Judas, nibantak nay byas, kinalap nay inuyas. ubatan

Anin tapigo a isarok nin kai gapo magpalso? ubatan

Ani pinarsa nan Katawan a iti sa uloy kinan? ubatan

Ani pinarsa nan Dyos a iti buktot sa gurot? ubatan

Ani pinarsa nan Katawan a iti pait sa babon tyan? ubatan

Ani pinarsa nan Dyos, a nipasagi yak et liwá lamang a kuyukot? ubatan

Burtong a sarba nan lalaman, rabay-rabay rayan bubalasang. ubatan

Dumukdok ya si bayaw, umí nay sumaraysay. ubatan

Palayo kuynan palayo, kai muyna mabilang a tuyot ko,
kai ko bale miyalis sa kamínan ko. ubatan

Primiro rumok, pirwa sigat, pitlo pirak, pípat arak. ubatan

Kinahon-kahon, kinaban-kaban, kasan tutumbukan. ubatan

Main rwa ray tukil kon talin´udong, napnó tabá tan tutong. ubatan

No bibyen kuya umakis ya, no ibul´is kuya matinek ya. ubatan

No igalot kuya makadaw ya, no warwaren kuya matinek ya. ubatan

Ani ilamó mo kunan kuden a mabyat pigaw yum´an ya? ubatan

Wanran Insik iti sa rarem a siksik. ubatan

Naiyanak yan kasan matua, nangasawa yan kasan katyangan na. ubatan

Adani yan libeden, adayó yan túriren. ubatan

No ararem anggan liey, no makáti anggan tuktok. ubatan

Ápat ray bansa-bansag, rwa ray bilang pasak,
rwa ray lupag-lupag tan sayay wasi-wasiwas. ubatan

Main maok kon ukong, tinmekré ya sa ásong. ubatan

Rwa ray kurbuten, sayay suluten. ubatan

Dag´an nakan mábeng. ubatan

Awit nako, awit kata. ubatan

Rumok a lalaman na, rwa ray katat na. ubatan

Sitmúdit. ubatan

Impyirno sa yupá, impyirno sa tágay,
kaririktan sa butlay. ubatan

Say talugtog gumurak ana, say bato matalag ana,
tan say rwa mag´in tulo rayna. ubatan

Pakrisen kuya báyo isurot. ubatan

Mauyos yay ubot, kai ya mauyos a latok. ubatan

Kayam-kayam yay ina na, tekré ya balé a anak na. ubatan

Say ayi na iti sa ulo , say lalaman na iti sa ulo,
tan say ulo na iti et sa ulo. ubatan

Tinagá kuyaynan tinagá, kasa balé sugat na. ubatan

Kutot akuynan kutot, kai ko balé makabuktot. ubatan

Inmadi ya si Pakitok, nakaliwá yay ulo. ubatan

Gágetan may awak ko ta lumukso kuynan lumukso. ubatan

Tuloy miamigo, nidungo saran pirmi sa yabi tan awro. ubatan

Nanabó nabló. ubatan

Bali ni San Pedro, nalibed yan kwako. ubatan

Sakapisí a uwi, niraté ya anggan Ibali. ubatan

Pisí a kawayan, niraté ya anggan sa Dagupan. ubatan

Nunaoy yay Reyna, múdit yay ramit na. ubatan

Ulo ni San Pedro, napnó yan kamudo. ubatan

Paltak baka napnó yan paminta. ubatan

No báyo yaet marames yak et no máran yayna máget ya. ubatan

Nangmula akon langká sa lagwirta nan Kastilá,
tinuruan yan lwá, nagbaliw yan alimbawá. ubatan

Naikalamó nin Talimbukaya

Sayan prinsisa, nakatekré sa tasa. ubatan

Sinurot kuyay sabaw, nalayo yay binaya. ubatan

No main et tandá muyon talimbukaya, ipáwit muyo sa binubolinao.org.