Balitok A Saritá

Mamudan tambaren a sugat lalaman,
maidap tambaren a sugat kagalangan.

No rabay moy kai matupaan, iti ka dumalan sa makrang.

No rabay moy kai marang-rang, andí ka dumegdeg sa uram.

Say tawon mangálek-kálek, pipatabaan ran ilek.

Say tawon mabalam mimata, pala-palaywan nan kwarta.

Maong ana kanoy mangálek-kálek ka dyan mantágan sa kasa.

Say gusto itabá, ipati no kasan karma.

Say masaor kai makagket.

Si tarom kai ya gumunga nin paryá.

Mag´adal kan manalikudkod no si apay moy anted.

Si tawon matamlad, anggawan nay kidawat-dawat.

Adayó yaet a bagyo, págetan maynay bali mo.

Si tawon kai tandá lumingay sa ibwatan na,
kai ya miraté sa keen na.

Ipákit moy bunga na ta ibaritá koy puon na.

Maksaw yay kabayon manipalayon kuden
dyan si ason kai mampakanen.

Say adó no kamumula, masam´it dyan paduya,
no udas anan masidá, mapait ana dyan paryá.

Si tawon mapangator, no udas nin pagkaukol main makalap a tampor.