Ester
Kapitulo 1
Paglaten raya si Biyadí Basti
1 Siti pa a nangyadí sin sa panaon
na ni Herhis, si Herhis a nag´uray sa abaw et a 127
nin prubinsya a nipánat nangibwat sa Indya anggan
sa Kus: Kunan siin nin panaon si Adí Herhis nag´adi
ya nangibwat sa maadian a tekré nan kapangyadian
sa padil nin gaway itaw sa Susa, tan 3 sa ikatlon panaon
sa pag´adi na main pidudungwan a nibi na kunra ngámin
nin kaalagawan tutawo tan saray upisyalis na. Saray pangungulo
nin militar sa Persya tan sa Medya, saray ának lalaki
nin uadí, tan saray kaalagawan tutawo nangibwat sa
puprubinsya ket itaw sara ngámin.
4 Sa ngámin nan 180 nin uawro nipadar
na a nagnap nin kayamanan sa pag´adian na tan sa kaandaan
tan kaalagawan nan kagalangan na. 5 Sin nayadí saraynayti
nin uawro, si adí main pidudungwan a nibi na a tinmuloy
nin piton uawro, itaw sa nalibed nin pangmulawan sa bali
nan adí, nin sinagyat na ngámin a nangibwat
kunran ayuyupá anggan kunran atatágay nin
tutawo sa rarem nan padil nin gaway sa Susa. 6 Say pangmulawan
main a kinatin-katin nin maputí tan maleas nin abel,
naitaker kunan berber a maputí tan malila nin abel
anggan sa pirak a bilang nin singsing sa túdek a
baton marmol. Main tekrean nin balitok tan pirak sa babon
yupaan a main nin batek-batek bilang sa musaiko a nasikabarang
nin matitib´ey nin bubato bilang sa purpido, marmol,
nakar tan mablin bubato. Inagamir ray panginuman arak nin
balitok, ket sa sinása-sása ra sakalako sara
kunran raruman, tan malaem a arak sa balin adí bilang
sa pakarurusan nan adí. 9 Kunan ginan-gan nan adí
saray sinásan nasagyatan inaburuyan na sara nin minon
a kasan pangyawaan, ket si adí binibilin na saray
aripen sa nangitalkan nin arak a painumen ra saray sinásan
tawo animan a rabay ra.
9 Si Bayadí Basti main pidudungwan
a nibi na anamaet kunran bubbayi sa balin adí na
ni Adí Herhis.
10 Sa ikapiton awro, sin nabok ya si Adí
Herhis, ginan-gan na saray piton iyuniko a nanglilá
kuna--si Mihuman, si Bista, si Harbuna, si Bigta, si Abagta,
si Setar tan si Karkas--11 nin iyater raya si Biyadí
Basti kuna, nin suluten nayay maadian nin kuruna, baná
ta maandá yan iparayo kunran tutawo tan saray kaalagawan
tutawo, baná ta maandá yan pastangen. 12 Balé
sin saray alilá a nigawang ray ginan-gan nan adí
kuna, ket nag´andí ya si Bayadí Basti
nin mako. Mísa si adí ket sinmager yan tuloy
ana.
13 Baná ta kaugalian ra nin patumbalak
yay adí kunran madudunong sa gan-gan tan sa katunungan,
nag´irgo ya kunran madudunong nin makataros sa pananaon
tan sangkadanyan sara kunan adí--si Karsina, si Setar,
si Admata, si Tarsis, si Meres, si Marsina tan si Mimukan,
sísaray piton kaalagawan tutawo sa Persya tan sa
Medya ket main pakadanyan ran pinaalagawan kunan adí
tan sangkatágayan sara sa pag´adian.
15 “Pipagketan sa gan-gan, ani matkap
gaw´en kuni Bayadí Basti?” tinepet na.
“Kai naya tinukid a ginan-gan na ni Adí Herhis
nin inawit ran iyuniko kuna.”
16 Mísa nangumbat ya si Mimukan sa
adapan nan adí tan saray kaalagawan tutawo, “Si
Bayadí Basti abas a ginwá na, ambó
tamó subag kunan adí balé subag kunra
ngámin nin kaalagawan tutawo tan saray tutawo sa
sarban prubinsya na ni Adí Herhis. 17 Baná
sa pigagawá nan biyadí no matandaan ra ngámin
nin bubbayi ket balawen ra lí a asawa ra tan wanra
lí: ‘Si Adí Herhis ginan-gan naya si
Bayadí Basti nin ipayater ya kuna, balé kai
ya nako.’ Kunan sitin awro saray bubbayi a nangibwat
sa kaalagawan tutawo nin narngé a maipáká
sa pigagawá nan biyadí ket mibalé sara
lí nin kapada kunran kaalagawan tutawo nan adí.
Kasayna lí nin tegen sa buraras tan pisusublangan.
19 “Kanyá, no makaririktan
a adí, mangaburoy yan mamataoy a nangibwat sa adí
nin ipadatak tan aburuyen yan isurat lí sa gugan-gan
nan Persya tan Medya, nin kai magwá galaten, nin
kai yayna gapo si Basti a makasrep sa adapan na ni Adí
Herhis. Aburuyan nan adí anamaet nin ibi nayay pakauray
na kunan raruma lalon maong yaet dyan síya. 20 Báyo
sin say nigan-gan nan adí nin nipataoy sa sarban
kamimínan nagnap nin pag´adian na, sarban bubbayi
mangibilang sara lí kunran asawa ra, nangibwat sa
kunran ayuyupá anggan sa kunran sangkatágayan.”
Ipatuloy et...
