Alisya sa Kamínan nin Makapakángapan
Tinungtong na sa Binubolinao ni Masiken Oswí

Mantumeken sa Cambridge—ni Petr Kratochvil

Pangitaraná

Sitin tarúman nangibwat ya koni Inglis manunurat Charles Lutwidge Dodson sa yupá ngaran nin wadí-wadí Lewis Carroll.

Sin sayan mainsan arwo nin maray´ep bugá, marurem tan madarumadim saray mikamuko si Dodgson tan si Ribirindo Robinson Duckworth, kalamó rasaray ának nan sayay kamuko ra si Henry Lidell ket nangitken rayay baluto nin rinmipay sa ilog. Legleg saran manrumipay, si Dodson nangitutong yan tarúman konran tuloy ának, sara si Lorina, Alisya tan si Idita nin maipáká konan daikleng babayi, say ngaran na Alisya, nin nanabó ya sa ubot nan kunyó tan sinumrep ya sa kamínan nin uráram napnó a sakalako tan makapakángap nin uayep. Saray bubbayi narabyan rayay tarúman talaga ket dinawat ra koni Dodgson nin isurat na kumon nin ibi sa konra.