KATEKISMO

Duktrina Kristiyana

PANGUNGUDOS

     Say tandá nan Santa Krus (Masanton Kudos), say panglaban mo sa komi, Katawan min Dios sa kukabunó mi, sa ngaran nan Ama, tan Anak tan Dios Ispirito Santo, Amen Jesus.

AMA MI

     Ama mi isen ka sa lulangit, sambawen mi a ngaran mo, miká sa komi a nag´adian mo, unuren mi a nakem mo, iti sa luta a bilang sa langit.

     Biyan mo kami sawanin kanen min inawro-awro tan kaduwan mo kami sa uutang mi a bilang pangingangado mi sa konran nakautang sa komi tan andí mo kami ibin umaburoy sa tukso tan ilaban mo kami sa sarban maraet, Amen Jesus.

ABI MARIYA

     Abi (Maabig ka) Mariya, napnó kan grasiya, si Katawan a Dios isen ya komo, bendita (makarmá) ka sa sarban bubbayi, tan bendito (makarmá) yay namaet a bungan tiyan mon si Jesus. Santa Mariya Ina nan Dios ipasisingádo mo kamin makasalanan sawanin tan sa udas a ipati (kamatiyan) mi, Amen.

PANGIGALANG

     Igalang yay Dios Ama, Dios Anak tan Dios Ispirito Santo. Bilang sin kamumula anggan sawanin anggan makáno man lawas, Amen.

TUMPER

     Tumper ako sa Dios Ama nin makapangyayadí sa sarba, namarsan langit tan lutá; tumper akoy namaet koni Jesucristo nin Anak nan bugtong a Katawan tamo; nirumbit Ya ibat sa paksá nan Dios Ispirito Santo; niabing naya ni Santa Mariya ni Birhin; nipapaidap naya ni Poncio Pilato; nipasak ya sa Kudos; nati Ya tan nitabon; nunaoy Ya sa impiyirno (kamínan nati); sin ikatlon awro sinmublí Ya nin mabiyay; nuli Ya sa lulangit, mantumekré Ya sa wanan nan Dios, Ama nin makapangyayadí sa sarba; itaw Ya lí mangibwat a makodti nin mangukom konran mabiyay tan nati. Tumper ako konan Dios Ispiritu Santo. Tepren ko et a Santa Iglesia Catolica; si pitatagman ran susanto, si pamakai nin kasalanan, si isusublí ran mabiyay nin sarban tawo, tan si biyay a kasan anggawan. Amen.

Ituloy et...