Síkoy amot nan pugon mo sa yuyabi nan panaon ray´ep,
say maamó a sirong nin manturngan kumo sa awro nan
panaon mámot,
say bunga ko bilang yan peres nin makapabyay a mampapdá
nin latá
no tumuloy ka sa kapako mo.
Síkoy túdek nin mangáget sa bali mo,
say tabla nan lamisawan mo,
say idaan mo no umidá ka,
tan say kayo a mangwá nin baluto mo.
Síkoy gágetan nan asadol mo,
say purta nan bali mo,
say kayo nan undayon mo
tan say panakeban nan lungon mo.
Síkoy tinapay nan pangangádo
tan say burak nan andá.
Sika a lumabas, ingaren moy dasal ko:
Andí na ko mapangnuwan.
