] ] ] ] ] ]

Linggo, 13 Agusto 2006 - 10:59 PM
Ngaran: Cynthia Sayno Adams

Para makompleto yay derictoryo nin Binubolinao:ngaran:Cynthia Sayno( Cezar,adopted legal name) AdamsImil:CynthiaSayno0aol.comKanayon:Cezar, Pascua, CaasiNikianakan:Arevalo, Iloilo CityNunan irgo: IlongoIkarawan Irgo, Ilocano, Bolinao, Tagalog Inglis, FrenchNagadalan:Zaragoza/Sampaloc,1971 CBHS,San Augustin University/Colchester school of Nursing, Essex, England;French as Foreign Language:University of Toulouse, Mirail, France.Karati ko tamo nagbisita nin kanakan ket talaga nin tagalog any sarita ra ket.Nasurprisa sara ta makapag irgo ako et nin Bolinao bisan balubalukto ken experto pa et nin mag Ilocano.OSWE: YOU HAVE TO TANSLATE THIS FOR ME: THAT WE HAVE TO CONTINUE SPEAKING OUR DIALICT BECAUSE WE ARE ALREADY LOSING OUR CULTURE ESPECIALLY WITH ALL THE FORIEGN INVESTER WHO ARE COMING TO EVENTUALLY INVADE OUR HOMETOWN. THANK YOU

] ] ] ] ] ]

Wibis, 27 Hulyo 2006 - 8:35 AM
Ngaran: Cristina de Perio Gines
Lugar: Canada

Say rabay con ibarita kun ran kababalian tamo bolinaoan, ibarita tamo con ran anak ra nin kairguin tamo saran nin bolinao sa bali andi nin tagalog tan citamo nin tao sa bollinao andi tamo nin mangrisibi ni rarumang tao nin ambo taga bolinao. sawanin abao ana nin tao nin taga visaya, kaya saray anak  sawanin tagalog anya irgu ra ambo anan bolinao ta saray raruman tao ambo saran tag bolinao. inmalaki ako icin sa babalin bolinao intaw say irgu kit purong bolinao sawanin natyay yay nay irgu tamo..... ani a mabistan guwin ta kai yay mamit a irgu tamo.......Si mayor tamo mangwa ya nin rule bana sa irgu tamo ...

kada main kairgu ko iti sa canada tipitin ra nu adti ako taga ci ibarita con pirmi taga ako bolinao, pangasinan tipitin ra no ani irgu ko wanco kit Bolinao kasa nin kapada nin irgu mi.... proud  ako nin niging taga bolinao ta saray taga bolinao kit maong sarang tao. kaya andi tamo nin ibarang a irgu tamo ......... wanin tana  kababalian con taga bolinao.......kumusta kamo ngamin nin taga bolinao

] ] ] ] ] ]

Wibis, 2 Marso 2006 - 11:33 PM
Ngaran: Ernie Cardaño y Castillo

Maririket ako nin makatanda nin main nin website a mangipaket sa internet tan sa kabawan nin kapadan binubolinao a irgo. Ta talagan mangkarep yayna a puro nin irgo tamo nin binubolinao sawanin a henerasyon.Sapa comon ta umabaw et mangipaket nin pangngado sa irgo tamo nin binubolinao. Tan umabaw et comon a tutawo nin makapag irgo nin binubulinao.

] ] ] ] ] ]

Linggo, 8 Iniro 2006 - 6:42 PM
Ngaran: Catalino P. Catanaoan,Jr.

Busat OSWI:

MABUHAY KA sa ginwa mo kunan sitin website. Kanya' kai ya basta-basta ma'rep yay "apoy" nin BINU-BOLINAO ta main saray tawo nin bara'mon como. Kai ka mampiikap sa babali tamo ta iti ka sa America ket say ado' mo sa sarita' tamo ket ararem tan adayo' ya. Sita'mon ni-anak o niikap sa-Bolinao ket kai maglat a ata'gay respeto nin nangibuatan tamo. Graduado ako nin Bolinao Central School(1969) tan Cape Bolinao High School (Class 1973), iti yinmamot kontamo saray kansion, deskurso tan istoria nan babali tamo. Aberno iti kami sa Estador Unidos, si puso' tan kanakman mi nin pamilya (taga-Anda yay asawa) mi ket iti ya sa babali tamon mabista. Busat Oswi saya kan tawo nin madunong tan bayani ta si Binubolinao ket ityan pinirmi sa puso tan ka-isipan mo. MABUHAY TAMON KABABALYAN KO!

] ] ] ] ] ]