Báyon naikalamó nin Kansyon

Nangibwuwat sa kansyon nin Sukiyaki.
Kinansyon na ni Kyu Sakamoto.
Sinurat ra ni Rokusuke Ei tan Hachidai Nakamura.

Tumatang´ap Ako Nin Lumalako
Pinataoy na ni Oswí Castellano  

Tumatang´ap ako nin lumalako
Tano kai ya nin manabó a luwá ko
Napanemtem koy mariga nin panaon bumurak
Balé sa yabi, mabukod ko.

Tumatang´ap ako nin lumalako
Maluwá nin mata, bumilang saray bubituen
Napanemtem koy mariga a panaon mámot
Balé sa yabi, mabukod ko

Say parigsawan itaw sa tágay nan rerem
Say parigsawan itaw sa tágay nan langit

Tumatang´ap ako nin lumalako
Tano kai ya nin manabó a luwá ko
Lalon napnó bereng a pusó ko
Kanyá sa yabi, mabukod ko

(Mamasuwit)
(Mamasuwit)
Mampanemtem koy mariga a panaon mangyatab.
Balé sa yabi, mabukod ako

Say bereng umadi sa dedlem nin bubituen
Say bereng kai mákit sa dedlem nin bulan

Tumatang´ap ako nin lumalako
Tano kai ya nin manabó a luwá ko
Lalon napnó bereng a pusó ko
Kanyá sa yabi, mabukod ko

] ] ]

Nakapaibi na ni Willy De Perio
Nakapagpermiso yay naiyusaren.

Main Sayay Manok
Contributed by Aurora M. De Perio
A song for an old single lady 

Main sayay manok
Sa abay nan sapa
Kaabay nay ranom
Syay mampilatá

Abagay kaynan manok
Kakapuyan karma
Aduen kata komon
Kasay nan magawá

] ] ]

Siti Pay Eskwilawan
By Constancia “Madam Tanting” De Perio-Roca

Siti pay eskwilawan
Pag´adalan kábawan
Síya may pubri o mayaman
Kasa gapon pinilian

Sumurat tan mamasa
Dumukdok tan manganta
Syay ugalí karigsawan [ambó siguro konan sitin linya]
Kai gapon kalingwanan [ambó siguro konan sitin linya]

No main makitandá konran saraytin linya,
sumurat kamo sa Binubolinao.com.

] ] ]

Sin bulan nan Oktubri
(Kansyon yaytin maimon a babayi a manibaritá nan sarkastiko
sa kansyon konan asawa na  nin tandá nay ginwá ra nin mistrisa na.)
Contributed by Willy De Perio, 2005

Sin bulan nan Oktubri
Nako kami nagbiyahi
VillaRey niruranan mi
Mamuntan Ibali
Dimalan kamin Dagupan
Báyo kami namanrupan
Mako tayna inadó
Maka tayna inadó
Sa bali tan diri.

] ] ]

Sin bulan nan Desyimbri
Composed and written by:
Milton “Mike” Camaso Cuarteron of Anda, Pangasinan

Sin bulan nan Desyimbri
Mabilang a walo ra
Siti pay naod anay
Gulo sa Pilipinas
Sundaló nan Amerika
Napadaan sara
Sundaló nan Pilipinas
Nakiadap nakigyira
Primiro binumba ra
Babalin Urbiztondo
Sumigundan binumba ra
Babalin Santa Barbara
Kai nabumba eskwilawan
Kai nabumbay simbaan
Kai nabumbay Dagupan
Balé ta napuoran

] ] ]