Tarúman ran Kalintutúdoy
tan Baké
Nitungtong na sa Binubolinao ni
Masiken Oswí
Kalintutúdoy nin Masilyaw
a Dinmupa sa Sanga-ni Mark Yang
Sayan awro, sa ugtiawro say siri
ket unon amot na, main pan sayay kadó nin kalintutúdoy
a mapagal ya baná sa eteng nan kalulupad na. Pinanggep
na nin dumpá ya sa sayay sangan kayo pinggat makapainawa
ya. Balé kunan sitin kayo piikapan rayayti a kábawan
nin bubaké.
Legleg nin man´agamiren
nayay pakpak na nin mamaypay kunan bukod na, main sayay baké
nin kinmadani kuna, ket wana, “Oy! Ani man´gaw´en
mudti, makaundó nin mangayam-kayam?”
“Mangadó kamo pa!
Ilalwan ko tamó a aburuyan muyo pa nin makapainawa
akudti kunan sitin sanga ta unon amot yay awro,” wanay
kalintutúdoy nin maalumamay. “Manlumpad ako sin
buklas ket unon amot tan pagal ko a kai kuyna nin makatuloy.”
wanan nikalamó.
“Talaga?” wanan baké
nin mantuyá-tuyaen. “Kai mi gapo aburuyen a matapó
nin mangayam-kayam bilang sa kumo nin makapasirong iti. Lumakwan
kayna!” wanan masager ket nangalap yan sanga a binasyo
na kunan kadó nin mangayam-kayam. Balé say kalintutúdoy
unon paspas na, ket limupad-lupad yayna báyo nan baké
a nakagket kuna. Madalí yan sinmublí kunan busat
nan adí, tan dinmarom naya kuna. Unon sager nan adí
pa ket pinanggep nan lumaban sara kunran bubaké. Kanyá
nangibakí yan tuloy manglalaban na kunan adí
ran bubaké nin mangiyater nin pakatugá:
