Patupat

Say Patupat ket nangibuwat ya kano kunran saray Igurot. Makákit yaytin kanen sa La Union, Pangasinan tan sa babali nin Bolinao.

Ipasiyá no makáno a rabay nin lutuen.

Rikado:

• Daliket nin biyas undino malagkit
• Gatá nin ungot
• Sinakob (masam´it nin tubó)
• Asin (rwa nin kutsaritá)
• Bubulong nan ungot undino silag

1. Mangalap kan malagó a sanga nin ungot ta galaten yay bulong-bulong na. Galaten yaet a tingting nan bulong. (Salimetmeten saray tingting para sa panis tingting). Ipanaspas udino ilagá saray bubulong a naglatan nin tingting ta ipagawá saray supot-supot nan patupat.
2. Ipapnó yay madiket sa kapikngá tamó konran saray supot-supot tan iberber sara. Itaker sara et sa anron napisí-pisí a kawayan.
3. Ipagataen a ungot: Ipikngá yay ungot tano kuyudkuden yay laman nan ungot. Ibarbar mo et sa ranom tano maipespes yay gatá. Sitaw si núnan napespes ket magatá yayti nin wanran krima nin ungot. Iparanom namana yay ungot a nakayudkudan tan ipespes ya namana. Ipasiyá no makáno a magatá rabay nin usaren.
4. Ilabey yay gatá sa alakin kawalí tan ilaok yay sinakob ta ipamatunaw ya. Galaten lí a lumumta-lumtaw sa babó nan labey.
5. Ipalabey saray patupat sa kawalí anggan malutó sara. Dandani sa sayan udas.
6. Galaten saray nalutó nin patupat tan ipaturó-turó yay linabeyan nin gatá.
7. Ipatuloy ya nin ipalabey a gatá anggan madket tan mapalet yayna.
8. Ipasublí yay nalutó nin patupat sa palet ta ipatuloy yay lutuen. Dandani sa tulonpuló a minuto.
9. Galat-galaten saray malu-lutó nin patupat tan ipaturó-turó a palet anamana. Ipara-rayep mísa isisirbi.