Sibu
 
AMIRIKA PAGLAKUAN PAKATANDAAN TIKNULUHIYA PAKAINGARAN IIKAPAN IISIPAN ARTI ISTILO PASYAR LUTÁ RURANAN
  ANDA   |   BOLINAO   |   DAGUPAN   |   IBALI (MANILA)   |   Lingayen (Pangasinan)   |   Mindanao  |   Sagada   |   Sambuanga   |   SIBo (CEBU)   |

Dukdok sa Sibu

Say dumudukdok ran saray napapriso sa Sibu (Cebu) ket kumigtot saray mampákit sa internit. Tutuo yayti ta mákit mo saradti, saray ngámin nin sanribo-liman yasot (1500) a kaarareman (inmates) nin dumukdok sa kansyon nin Thrilller (makapakigtot) a kuna ni Michael Jackson.

Tumepet ka a ambalé anamaet nin dumukdok sarytin napapriso? Saytin dukdok ra ket gaw´en rayti para sa kunran inawru-awron panagwatwat. Makatulong yayti kano sa kunran pakaumanan (rihabilitasyon) nin nakem ra tan maiyakay saran disiplina laloynan rabay ran gaw´en. Sarayti a kalalamó sa prugrama ran pakabbyayan (livelihood program).

Sitin programa a ningibwat sa Cebu Provincial Detention and Rehabilitation Center (CPDRC). Saray kaarareman ket main pakababá ran makaabang nin mangwá nin sabtan mabibistan susupot udino hanbag a ilakó sa Yurupa tan sa Amirika. Manayí sara et nin ules-ulesen para sa distrikton uuspital.

Tano makaiyator rayay swildo ra, mabyan saran libron ipalabas (passbooks) barámon savings account nin magwá ran iká udino kalapen a kwarta ra. Sayti ket magwá ta main nin prugrama nin waran local governement-run cooperative.

Nipatanda ni Cynthia Sayno
Nipataros sa Binubolinao ni Oswí Castellano

Sumublí sa babo

Patandá nagibwat
sa Sibo

No main nin kuminto muyo kunran saraytin patandá, suratan muyay Binubolinao.com udino magpusto kamo sa Mag´irgo Atamo nin siksyon pigaw maikalamó saray kuminto muyo.

Síkami      |      Pakánuan      |      Nangyayadian      |      Inglis      |      Raruma